Gravan en Galicia tres rorcuais comúns, a segunda balea máis grande

O segundo animal máis grande do planeta nada por augas de Galicia, fronte á costa do Grove. O Bottlenose Dolphin Research Institute (BDRI) conseguiu gravar tres rorcuais comúns (Balaenoptera physalus) nunha recente saída de observación.

Coñecida como rorcual común, estas baleas son as segundas máis grandes, só por detrás da azul, que xa foi avistada en Galicia nos últimos anos. Os exemplares desta especie poden medir ata 40 metros e poden chegar a pesar unhas 27 toneladas.

Publicidade

O Bottlenose Dolphin Research Institute (BDRI), con sede no Grove, está dedicado á investigación do medio mariño e ao estudo de golfiños, baleas e aves mariñas.

O director do BDRI, Bruno Díaz, explicou que “estes animais, sen ningunha dúbida, non se adoitan achegar tanto ás nosas costas. É excepcional o feito de que estamos a mostrar a presenza destes grandes animais tan descoñecidos e fascinantes. Galicia sempre foi unha rexión baleeira, ata o ano 1985 cazábanse”.

Publicidade

“O que non é normal é que vaia un grupo de baleas, é pouco común observalas en grupos, son animais solitarios. Neste caso o que foi moi interesante é que eran tres animais que mesmo se relacionaban entre eles”, aclarou o director.