Crean unha ferramenta que predí a eficiencia económica pesqueira

O modelo realizado por investigadores da USC e do IEO baséase en datos como a estimación de capturas e os ingresos e custos dos pescadores

Científicos da USC e do Instituto Español de Oceanografía (IEO), en colaboración coa Organización de Produtores de pesca fresca do porto e ría de Marín, acaban de desenvolver un modelo espacial de eficiencia económica para predicir as solucións máis rendibles ante diferentes escenarios de xestión. O traballo, realizado no marco do proxecto  LIFE iSEAS e publicado na revista Marine  Policy, utiliza un modelo matemático que ten en conta a estimación de capturas por caladoiro, os ingresos e os custos da actividade pesqueira —tales como o consumo de combustible, os salarios e outros—, para crear unha ferramenta que permite obter as solucións máis eficientes en termos de rendibilidade.

En Europa estableceuse de forma recente a obrigación de desembarcar todas as capturas; con todo, esta medida ocasiona a necesidade dun maior tempo de procesamento a bordo e un incremento dos custos asociados á xestión dos descartes por parte dos pescadores. “A actividade pesqueira é unha actividade comercial e por iso a perspectiva económica non pode ser ignorada á hora de identificar solucións na xestión dos recursos pesqueiros, xa que para os pescadores a viabilidade económica é un elemento chave para cumprir a normativa pesqueira”, explican os investigadores

Publicidade

Esta nova ferramenta simula diferentes escenarios de xestión e distintas medidas que os pescadores poderían adoptar fronte á obrigación de desembarco imposta á frota europea, alén de mostrar como o incremento do tamaño da tripulación ou unha selección eficiente da zona de pesca serían solucións economicamente máis acaídas que mellorar a eficiencia do buque ou incrementar a duración da marea. Gonzalo Rodriguez Rodriguez e Hugo M. Ballesteros, pertencentes ao Departamento de Economía Aplicada, son os dous asinantes do artigo procedentes da USC.

“Esta ferramenta pode resultar de interese tanto para pescadores, que poden utilizala para realizar predicións a curto prazo para elixir as mellores zonas de pesca, en función das capturas obtidas en días anteriores, como para xestores, que poden simular os resultados máis probables de cambios lexislativos na política pesqueira”, continúa o equipo investigador.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo