Para desenvolverse no laboratorio é preciso saber manexar unha gran variedade de material científico. Moitas veces, nas aulas, ensínase o seu nome en castelán, pero este material ten tamén o seu equivalente galego. Da man do Proxecto Funil, impulsado por CienciaNosa, Grupo de innovación docente en didáctica e divulgación científica da USC, é posible coñecer os nomes de moitos instrumentos neste vídeo de pouco máis de dous minutos.
O Proxecto Funil procura “dotar a lingua galega de novas ferramentas multimedia para o ámbito científico”, Toma o nome do aparello que se usa no laboratorio para trasfegar líquidos dun recipiente a outro. Ofrece manuais, vídeos e exemplos de prácticas para mellorar o coñecemento dos termos científicos en galego.
Podes coñecer máis sobre o Proxecto Funil na súa páxina.
