Venres 29 Marzo 2024

Así se ve a superficie arrasada polo incendio do Xurés

O lume queima 560 hectáreas do espazo protexido, que se suma ao Courel, O Invernadeiro e a Enciña de Lastra como grandes afectados do verán

O verán de 2022 ule a fume. Os incendios sucedéronse nos últimos meses, arrasando miles de hectáreas en Galicia. As zonas máis afectadas foron os espazos naturais protexidos. O máis recente en recibir o embate do lume é o do Xurés. Segundo a última actualización da Consellería de Medio Rural, xa arrasou 560 hectáreas. O incendio, que se declarou a noite do mércores 24 de agosto ás 21.15 horas, tivo unha “evolución favorable” nos primeiros momentos. Porén, o vento do nordés complicou a situación e contribuír ao avance das lapas. Amais diso, o terreo e a orografía dificultan aínda máis o escenario. As cicatrices que deixa o lume do Xurés, que afecta principalmente ao municipio de Lobeira, xa se deixan ver nas imaxes de satélite de Copernicus.

A situación que volve vivir o Xurés recorda a un dos episodios máis recentes e complicados das últimas semanas. As áreas máis profundamente afectadas tamén foron parques naturais, como o do Courel, o de Enciña da Lastra e o Invernadeiro. As estimación de Medio Rural aproximaba unhas 30.000 hectáreas queimadas, sendo o primeiro espazo o máis afectado de todos, con máis de 11.100. A orixe destes incendios, producidos a mediados de xullo, debeuse a unha tormenta explosiva que desembocou en miles de raios en cuestión de horas. Segundo explicaba o experto en lumes forestais e director da Escola de Enxeñaría de Pontevedra, Juan Picos, a GCiencia, os incendios de xullo —igual ca este do Xurés— afectaron a zonas de orografía moi complicada e difícil acceso.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cales foron as causas da seca que precedeu aos incendios de Australia? Un equipo de Ourense ten a clave

A investigadora Milica Stojanovic, do grupo EphysLab da UVigo, centrou o seu traballo en analizar as fontes de humidade da zona

As cinzas dos lumes de 2017 poden causar alteracións no plancto costeiro da Vigo

O estudo realizado por investigadores do CIM da Universidade de Vigo centra a súa investigación na escorredura posterior ás queimas

Así devastan os incendios a paisaxe: un estudo revela o seu efecto nos ecosistemas galegos

A tese de Sheila F. Riveiro demostra que o lume favorece as especies exóticas invasoras e despraza as nativas nos montes de Galicia e Portugal

Un Google Earth en tempo real: así é o software galego para actuar ante as emerxencias

A empresa Beagle Technologies usa a tecnoloxía 3D para crear cartografías do terreo o máis completas posible e facilitar a toma de decisións