A pasada semana coñeceuse a detección do meteoro que estourou en decembro a uns 25 quilómetros de altura sobre o mar de Bering, fronte á península de Kamchatka. E agora danse a coñecer as imaxes que rexistrou o instrumento MISR, a bordo do satélite Terra, na que se pode ver desde o espazo a sombra do bólido e mesmo os sinais da explosión, en cor laranxa, que se produciu cando o meteoro se desintegrou na atmosfera a uns 115.000 quilómetros por hora.
A explosión que causou o bólido de Bering foi a segunda máis forte do seu tipo nos últimos 30 anos e é o meteorito máis grande en chegar á atmosfera da Terra desde o que impactou en Cheliábinsk (Rusia) en 2013. Nese caso, a onda expansiva do impacto causou case 1.500 feridos, sobre todo debido á rotura de cristais. O maior satélite rexistrado desde comezos do século XX foi o de Tunguska (Siberia), en 1908, cunha enerxía estimada en 185 bombas como a de Hiroshima.
A video showing the smoke trail from the #Meteor over the Bering Strait last December, produced using data from @JMA_kishou‘s #Himawari satellite.
The orange meteor trail in the middle, shadow above-left.Hi-res copy: https://t.co/EXn8sFb556 pic.twitter.com/X54InkvMnl
— Simon Proud (@simon_sat) 19 de marzo de 2019
Non en tanto, e aínda que a enerxía liberada foi de 173 quilotóns (os expertos da NASA estimaron que a explosión foi dez veces superior á que descargou a bomba atómica lanzada en Hiroshima en 1945), ninguén sentiu o estourido xa que aconteceu nunha zona remota e despoboada.