O telescopio espacial Nancy Grace Roman lanzouse o 30 de agosto de 2026 a fin de superar o campo de visión do seu predecesor, o Hubble. A raíz desta misión, a NASA leva a cabo unha nova iniciativa cidadá con antecedentes en Artemis II: a axencia espacial estadounidense permitirá aos usuarios adoptar un píxel dunha das primeiras imaxes do Roman de forma gratuíta a través da súa páxina web. “Cada píxel representará unha peza única do cosmos”, anuncian no perfil da rede social X. No momento de escribir esta información, 633.883 persoas teñen asignado unha unidade ínfima desta futura imaxe dixital.
Pero, como se consigue? Débese completar un simple formulario con tres datos esenciais: nombre, apelidos e correo electrónico. Con todo, só se pode asignar un píxel a cada conta de correo, pois será a forma de recuperar o píxel cando se xere a imaxe. Ademais, recibirase un certificado cun número de píxel asignado.
O obxectivo do Grace Roman
O observatorio espacial de última xeración está deseñado para resolver preguntas esencias arredor das grandes incógnitas do universo: enerxía escura, exoplanetas ou astrofísica infravermella, entre outras cuestións. O Grace Roman conta cun espello primario de 2,4 metros de diámetro e un instrumento de campo amplo que permitirá aumentar o campo de visión 100 veces maior ca o do Telescopio Espacial Hubble, permitindo capturar máis o ceo con menos tempo de observación.
Podes adoptar o teu píxel do Nancy Grace Roman na seguinte ligazón.
