En 2026, o programa Artemis da NASA enviará catro astronautas a orbitar a Lúa no primeiro voo tripulado desta campaña, con regreso á Terra. Os astronautas que viaxarán son Reid Wiseman, Victor Glover, Christina Koch, da Axencia Espacial Norteamericana, e Jeremy Hansen, da Axencia Espacial Canadiense. Pero ti tamén poderías ir, dunha maneira máis simbólica.
A través da páxina web da NASA, calquera persoa pode enviar o seu nome para “viaxar” xunto aos astronautas do programa Artemis. Os nomes recibidos incluiranse nunha memoria USB que voará dentro da nave Orion durante a misión. Grazas a datos básicos, como teu nome, apelidos e un código PIN, recibirás a túa propia tarxeta de embarque, permitindo que te sintas como un auténtico astronauta da NASA.
A misión Artemis
Este voo representa un novo paso nas misións tripuladas, cuxo principal obxectivo é pór a proba os sistemas de soporte vital da nave Orion no espazo. Deste xeito, a NASA prepárase para futuras misións con astronautas a Marte.
Entre os principais retos, destacarase a primeira avaliación das capacidades da NASA no espazo profundo, mediante o primeiro voo tripulado do foguete Sistema de Lanzamento Espacial (SLS, polas súas siglas en inglés).
A misión terá unha duración aproximada de dez días e despegará dende o Complexo de Lanzamentos 39B do Centro Espacial Kennedy. Segundo os anuncios da NASA, o lanzamento está previsto, como moi tarde, para abril de 2026. E si, ti tamén poderás participar… pero dende a túa casa.
Podes conseguir a túa tarxeta de embarque da NASA na seguinte ligazón.
GUAY