Os corais mariños tamén se poden ver dende o espazo

A astronauta da Axencia Espacial Europea Samantha Cristoforetti divulga unhas imaxes satélite sobre grandes arrecifes

Foto satélite dunha concentración de coral capturada pola MIsión Minerva
Foto satélite dunha concentración de coral capturada pola MIsión Minerva

Os corais mariños non son só un espectáculo que se pode desfrutar debaixo da auga. As últimas fotos satélite publicadas pola Misión Minerva da Axencia Espacial Europea revelan a magnitude dalgúns dos arrefices máis grandes do planeta. As imaxes divúlgaas a astronauta italiana e líder da misión Samantha Cristoforetti no seu perfil de Twitter: “Os arrecifes de coral son unha vista incrible dende o espazo, igual que tamén o son na Terra. Albergan unha diversidade alucinante de vida mariña. Algúns chámanos bosques tropicais do mar. É triste pensar que vamos camiño de perder a maioría dos arrecifes de coral do mundo debido ao quecemento global“, lamenta dende a Estación Espacial internacional onde se atopa dende o mes de abril.

Ese escenario de desaparición que marca Cristoforetti non é unha esaxeración. O incremento da temperatura das augas dos mares e océanos está a provocar episodios graves de branqueamento dos corais mariños. Iso supón a súa morte biolóxica e os datos non minten: máis da metade dos arrecifes máis grandes de Xapón ou o da Gran Barreira australiana xa desapareceron. Mais non está todo perdido, prosegue Cristoforetti: “Os investigadores están a buscar a composición xenética das especies que poden soportar mellor a calor. A recolocación de corais máis resistentes a estas temperaturas en áreas en perigo podería axudar algún día a mudar a situación. Unha desas especies de coral naturalmente máis resistentes á calor vive no Mar Vermello”.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.