Un paso máis para a humanidade capturado polos astronautas da misión Artemis II. A NASA e a Casa Branca estadounidense comparten nas súas contas de X as primeiras imaxes tomadas durante o sobrevoo da cara oculta da Lúa. Esta fotografía permite ver a ‘posta da Terra’ —en inglés Earthset— vista dende o satélite. Esta imaxe lembra á imaxe tomada polo astronauta Bill Anders cando a tripulación do Apolo 8 voaba arredor da Lúa. Pero non é a única.
A eclipse de Artemis II
A Casa Branca publica no seu perfil da rede social unha instantánea onde se pode apreciar a eclipse solar con claridade, nunha imaxe máis nítida da ofrecida pola retransmisión da NASA. Desta forma, puideron observar o fenómeno durante case unha hora, mentres a Lúa eclipsaba o Sol.
Aneis da Cunca Orientalis
A tripulación da misión Artemis II capturou tamén os aneis da Cunca Orientalis durante o día 6 de abril. Na fotografía son visibles os dous cráteres máis pequenos, que os astronautas suxeriron nomear como Integrity e Carroll, en honra á esposa falecida en 2020 do comandante Reid Wiseman.
