Os raios de Sol que incidiron sobre o anaco de terra firme máis elevado no planeta foron captados o pasado 11 de febreiro polos astronautas da Espación Espacial Internacional (ISS). Desde máis de 400 quilómetros de altura, pouco antes das 12 do mediodía GMT (hora de Greenwich), retrataron como sobre o Everest (8849 metros) e outros cumios próximos que tamén superan os 8.000 metros de altura, como o Lhotse ou o Makalu, se despedía o día. Nese momento, a Estación Espacial Internacional xa voaba a centos de quilómetros de distancia do Himalaia, pois a fotografía foi realizada sobre o golfo de Bengala.
Podes descargar a imaxe con maior resolución aquí.
A perspectiva que se acada desde a altitude á que orbita a nave achega imaxes espectaculares do planeta Terra, que en ocasións tamén retratan o recuncho noroeste da península ibérica no que se atopa Galicia. Agora mesmo, a bordo están os astronautas Kate Rubins, Victor Glover, Soichi Noguchi, Sergey Ryzhikov, Michael Hopkins, Shannon Walker e Sergey Kud-Sverchkov.
Galicia, como nunca a viras desde a Estación Espacial Internacional
A Estación Espacial retrata ata o último recuncho de Galicia
