Vista de Galicia desde a Estación Espacial. Fonte: Gateway to Astronaut Photography of Earth.
Vista de Galicia desde a Estación Espacial. Fonte: Gateway to Astronaut Photography of Earth.

Galicia, como nunca a viras desde a Estación Espacial Internacional

O arquivo da NASA que recolle as instantáneas tomadas pola tripulación da nave ofrece novas fotografías do noroeste da península ibérica

Non son poucas as veces que a Estación Espacial Internacional pasa sobre Galicia a 28.000 km/h e arredor de 400 quilómetros por riba das nosas cabezas. Se as condicións son axeitadas (de noite, con ceos despexados e pouca contaminación luminosa) podemos ver como brilla esta nave que reúne os esforzos da exploración espacial de países de todo o mundo. E como a xente na Terra mira cara a arriba, ás veces son os propios astronautas os que miran cara a abaixo e ofrécennos imaxes dignas de ver.

No arquivo da NASA que recolle as fotografías feitas desde o espazo desde as primeiras viaxes, no ano 1961, son poucas as que identifican este recuncho do suroeste de Europa. Pero recentemente esta web difundiu unha nova serie de fotografías, tomadas o 23 de outubro de 2017, nas que se pode albiscar todo o noroeste da Península mentres a Estación Espacial orbitaba sobre o Atlántico norte, ao sur da illa de Irlanda, uns 100 quilómetros ao sureste da cidade de Cork.

A perspectiva desde os 394 km de altura non pode ser máis fascinante. Mentres que Galicia e Asturias aparecen en primeiro termo, é posible ver gran parte da Meseta Central e da costa portuguesa, ata o Cabo de San Vicente. Sobre a superficie terrestre poden distinguirse tamén as estelas dos avións. E ao fondo, as diferentes capas da atmosfera, con diferentes tons, ata o negro do espazo exterior.

Se abres aquí a imaxe, podes vela con moito máis detalle.

E aquí podes ver unha escolma de moitas outras fotos tomadas desde o espazo nas que se observa Galicia:

Así se ve Galicia dende a Estación Espacial Internacional

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.