Un coche vai circulando por unha estrada en Oia e, de súpeto, atópase cunha especie de canguro. O vídeo capta un ualabí, un tipo de marsupial propio de Australia e de Nova Zelandia. En apenas unhas horas, este clip fíxose viral nas redes, poñendo o concello pontevedrés no centro dos focos. Pero, por que estaba aí?
O marsupial xa é coñecido por varios veciños da zona. De feito, a persoa que o atopou avisou os seus donos, que teñen un recinto amplo onde coidan a diversos tipos de animais. O ualabí xa se atopa en perfecto estado e na finca de onde procedía. A Garda Civil e o Seprona confirmaron que as condicións dos animais eran as adecuadas e de que simplemente se trataba dun incidente normal. Ou, polo menos, todo o normal que pode ser atopar un marsupial un xoves conducindo por Oia.
Os únicos mamíferos autóctonos de Nova Zelandia, aparte dos mariños, son morcegos.