Venres 29 Marzo 2024

Australia declara os coalas como animais en perigo de extinción

Os incendios, as secas e as enfermidades son as principais ameazas dos marsupiais, nunha situación especialmente vulnerable na costa leste do país

Os coalas son un símbolo nacional de Australia. Pero un símbolo cercado polas ameazas. Os incendios —sobre todo as ondas destrutivas dos últimos anos—, os longos períodos de secas e as enfermidades poñen en xaque a supervivencia desta especie. De feito, e segundo recollen no portal ScienceAlert, ao longo das últimas dúas décadas experimentouse un forte descenso da súa poboación. Por este motivo, o goberno australiano acaba de declarar os coalas en perigo de extinción en varias zonas da costa oriental do país: Nova Gales do Sur, o Territorio da Capital Australiana e Queensland.

A situación dos coalas leva décadas sendo preocupante e, de feito, hai dez anos que xa se declarara especie “vulnerable”, tamén na costa leste, onde habitan principalmente este animais. A ministra de Medio Ambiente, Sussan Ley, asegurou que dar este paso, o de incluílos na lista de animais en perigo de extinción, é unha maneira de ofrecerlles máis protección. Por outra banda, asociacións ecoloxistas están a favor da decisión, pero reclaman leis máis estritas e incentivos aos propietarios das terras, co obxectivo de que se protexan mellor os bosques onde viven os coalas.

Publicidade

Descenso rápido da poboación

Dende organización WWF australiana, o conservacionista Stuart Blanch apuntou: “Pasaron de estar na lista de vulnerables ao perigo de extinción nunha década. Esa é unha diminución sorprendentemente rápida”. De feito, e aínda que é complicado dar cifras concluíntes ao respecto, o Comité Científico de Especies Ameazadas de Australia estima que o número de coalas pasou de 185.000 en 2001 a 92.000 en 2021. Unha redución considerable e preocupante, á vista das últimas decisións.

Aínda que as ameazas que están a sufrir os coalas son moitas, os devastadores incendios dos veráns recentes mermaron considerablemente a súa poboación. Pero máis alá diso, o cambio climático está complicando a supervivencia da especie, con longos períodos de secas e aparición de enfermidades que comprometen a estes marsupiais. Os ataques doutros animais e as limpezas das terras complican aínda máis o escenario. O mesmo que obrigou a dar a voz de alarma a decretar a especie en perigo de extinción en Australia.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

É a caza unha medida eficaz para controlar as poboacións de xabarís? Isto opinan os expertos

Algunhas voces apuntan que nunha emerxencia cinexética as batidas favorecen a reprodución do porco bravo

Un consorcio europeo reducirá a captura accidental de especies mariñas ameazadas

O obxectivo é minimizar o dano en animais en perigo de extinción ou que na actualidade están protexidos para evitar que desaparezan

Así é unha pelexa entre polbos: captan por primeira vez como se lanzan area entre eles

Un equipo australiano cre que este comportamento é intencionado e podería ser unha nova forma de comunicación

Cerco ao lobo: un estudo revela o progresivo illamento da especie en Galicia

Un estudo proba que no século XIX estaba presente no 65% do territorio peninsular