As correntes de aire entre as dúas beiras do Atlántico son ben coñecidas polas persoas que investigan as ciencias da atmosfera e as súas implicacións no clima. É habitual que en Galicia se citen os ríos atmosféricos, masas de aire húmido que adoitan chegar desde o Caribe, e que son sinónimo de abundantes precipitacións. Mais tamén acontece que, cando fenómenos extremos teñen lugar no continente norteamericano, o seu rastro pode ser visible a miles de quilómetros, e mesmo desde o espazo. Así ocorreu cos graves incendios que, unha vez máis, están a golpear os estados de California, Washington e Oregon, no oeste dos Estados Unidos, e cuxos restos de fume foron percibidos a comezos desta semana polos satélites da misión Sentinel da Axencia Espacial Europea.
A imaxe, tomada na mañá do sábado 21 de agosto polo instrumento Sentinel-3, difundiuna a conta de Twitter da Dirección Xeral de Industria da Defensa e do Espazo da Unión Europea, e foi replicada amplamente na rede. Esta fonte oficial da UE confirmaba que “a enorme nube de fume que viaxou a Europa desde California acadou as costas de Portugal e Galicia“.
#ImageOfTheDay#Wildfires🔥ravage North America and affect #AirQuality in the northern hemisphere😷
Yesterday, the massive smoke cloud 🪨 that has travelled to Europe from #California reached the coasts of #Portugal🇵🇹 & Galicia🇪🇸
⬇️#Sentinel3🇪🇺🛰️ image
21 August 11:20 UTC pic.twitter.com/WXLkbKfP7E— 🇪🇺 DG DEFIS #StrongerTogether (@defis_eu) August 22, 2021
🔴 Smoke from North America #wildfires reached #Europe. As forecasted by @CopernicusECMWF CAMS yesterday #Copernicus #Sentinel5p CO Total Column shows high values over Iberian Peninsula. #Portugal #Spain #Canada #ClimateEmergency #AirQuality @WMO pic.twitter.com/9xTUagwQaP
— ADAM Platform (@PlatformAdam) August 22, 2021
Despois das primeiras deteccións de fume a pasada fin de semana, é posible que unha nova pluma acade as costas do Atlántico oriental nos vindeiros días. Segundo a web de AirNow, un sistema de visualización da calidade do aire na que participan axencias gobernamentais de Canadá, Estados Unidos e México, unha masa de fume atópase agora mesmo no medio de océano, tal e como se pode ver nesta imaxe, que recolle os datos dispoñibles na noite (hora peninsular) do 25 de agosto:
Non é a primeira vez que acontece isto; en setembro de 2020, outras das graves vagas de incendios na rexión oeste de Norteamérica levou enormes nubes de fume ata a península, chegando ata a Baleares, e tamén se espallou polas illas británicas ou Escandinavia.
Este impacto a gran escala tamén foi notable durante a vaga de incendios de outubro de 2017 en Galicia e Portugal. Daquela, boa parte de Francia e Reino Unido ficaron baixo unha mesta néboa que escureceu o día.
Ophelia hits Europe:
Worst Ireland storm in 50+ years
300+ fires in Portugal & Spain, 30+ dead
Red sun in London from Saharan dust + smoke pic.twitter.com/L1eUbqhNru— Eric Holthaus (@EricHolthaus) October 16, 2017