Luns 26 Febreiro 2024

Galería: Galicia baixo o manto da neve e do xeo

Nas montañas do Courel, dos Ancares e Trevinca as nevaradas deixan imaxes espectaculares

Temperaturas por baixo dos -10º en varios municipios galegos e un aviso laranxa de Meteogalicia polos xélidos rexistros que se esperan nos termómetros este sábado. Galicia quedou fóra da influencia da borrasca Filomena, pero vive unha vaga de frío polar que deixou neve e xeo especialmente nas montañas de Lugo e Ourense.

Así aparecía o hotel rural Fonte da Cova, nun lugar moi visitado polos montañeiros que queren alcanzar o cume de Pena Trevinca, o teito de Galicia. A foto, compartida por Meteolobios, é unha espectacular imaxe tomada por Montse García.

Hotel de Trevinca. Valdeorras. Ourense. Espectaculares fotos de Montse Rodriguez.

Nos Ancares, a vista das pallozas do Piornedo semellaba case imposible, pola acumulación de neve que oculta case ata os teitos. As imaxes compartidas en redes pola Cantina Mustallar e polo Hotel Piornedo, dous clásicos da zona para turistas e montañeiros, tamén asombran pola acumulación de neve, de con máis dun metro de altura nalgunhas zonas.

A neve cobre as pallozas do Piornedo, nesta imaxe compartida polo Hotel Piornedo.

Outro tanto acontece no hostal Campa da Braña, tamén nos Ancares, preto da subida aos Tres Bispos, onde compartiron imaxes do manto de neve que ocupa toda a paisaxe.

No hostal Campa da Braña, nos Ancares, a neve cobre a paisaxe.

No Courel, a situación é similar tras recibir fortes nevaradas. As imaxes compartidas polos guías de turismo de Pía Paxaro, que organizan roteiros de natureza pola serra e outras actividades, mostran tamén como a neve é a protagonista estes días.

 

1 comentario

  1. Aínda que supoño que é unha errata, é importante sinalar que O Courel está na montaña lucense, non na de Ourense.
    Un saúdo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:03:05

R de Revolta: o autogoberno irmandiño de “todos á unha”

Entre 1467 e 1469 a rebelión do poder popular arremeteu contra as fortalezas do Reino, o símbolo material da violencia dos señores

A borrasca Louis activa a alerta vermella en Galicia por ondas de ata 8 metros

As baixas presións situadas en Islandia provocan un forte temporal marítimo e envían chuvia, vento e neve ao noroeste peninsular

Unha potente borrasca traerá chuvia abundante e desplome de temperaturas a partir do xoves

Galicia acadará os 22 graos entre luns e martes mentres que a fin de semana estará marcada por un "temporal invernal"

O déficit de transporte de humidade do Atlántico triplica a posibilidade de seca en Galicia

A investigación realizada na Universidade de Vigo foi publicada na revista ‘Nature Water’