Únete á nosa canle de Whatsapp
Un cometa de cor verde brillante achegarase á Terra por primeira vez en 50.000 anos. No hemisferio sur xa se pode observar desde hai uns días este particular corpo celeste que provén das profundidades do Sistema Solar e que, probablemente, non volveremos ver máis. Aínda que será o 1 de febreiro o día que máis próximo estea ao noso planeta, xa se publicaron as primeiras fotografías.
Fontes do Instituto de Ciencias do Espazo do CSIC e o Instituto de Estudos Espaciais de Catalunya (IEEC) afirman que na últimas noites o cometa verde incrementou a súa luminosidade e durante uns días poderase observar sen necesidade de telescopios, aínda que o uso de prismáticos é moi recomendable para aqueles que queiran velo máis facilmente. Aconséllase afastarse da contaminación lumínica das cidades, buscar un sitio escuro e habituar a vista con media hora de antelación.
Os expertos non están seguros de onde viaxará despois de deixar a Terra, pero o consenso parece estar en que C/2022 E3 podería non volver aparecer, o que fai deste acontecemento algo moi especial para a nosa historia astrónoma. Se non podes velo, o Proxecto Telescopio Virtual (The Virtual Telescope Proyect) ofrece unha retransmisión gratuíta.
