A Estación Espacial Internacional (ISS) será o espectáculo no ceo nocturno para esta noite de domingo. O pase está previsto para as 21.23 horas.
🇪🇸 ¡Galicia y Asturias!
Feliz Domingo: la Estación Espacial Internacional se podrá ver hoy a simple vista (si las nubes lo permiten) en todas partes a las 21:23 hrs.Consejo: ⏰
pon la alarma👩🚀 61 https://t.co/fI01cZcyfB
🌍 Yo https://t.co/AvRlduSsQp pic.twitter.com/ycb3pQLcrN— Ignazio Magnani (@IgnazioMagnani) October 6, 2019
A ISS aparece como un pequeno punto branco que se move polo ceo a grande velocidade, xa que esta nave orbita arredor da Terra a uns 400 quilómetros de altura, a unha velocidade de 28.000 quilómetros por hora (preto de 8 km/s).
A Estación Espacial está a cruzar o ceo continuamente, ás veces gravando o territorio de Galicia. Tamén tomando retratos do país dende a órbita da Terra. Pero non sempre é visible, xa que iso depende de diversos factores, entre eles a nubosidade. Tamén depende da latitude na que orbite en cada xornada.
Para observala en boas condicións, cómpre afastarse da contaminación lumínica das cidades e situarse en lugares elevados onde haxa un bo campo de visión.
Como curiosidade, Ignazio Magnani é un afeccionado á astronáutica que adoita publicar os pasos previstos da ISS en todo o mundo. Moitos medios de comunicación refírense a el como ‘o astronauta italiano’. Xa no perfil da sua propia conta explica: ‘Non son astronauta!‘ Pero moitos medios, tamén en Galicia, insisten en identificalo así, aínda que a súa foto de perfil amosa a un cosmonauta ruso, que no seu casco ten as letras ‘CCCP’, que corresponden á antiga URSS en caracteres cirílicos. De calquera xeito, probablemente volveremos ler en diversos medios que Magnani é un ‘astronauta italiano’.
