Mércores 21 Febreiro 2024

Así se viu a aurora boreal dende Almería

Unha das cámaras do Observatorio de Calar Alto gravou un vídeo 'timelapse' do histórico fenómeno

Unha luz tenue, de cor rosada e verdosa, tinguiu unha parte do ceo do domingo. En Galicia, as nubes impediron ver un fenómeno tan sorprendente como inusual nestas latitudes: unha auroral boreal. De feito, chegouse a apreciar noutros puntos da península, moito máis ao sur do que se esperaba. Así, o Observatorio de Calar Alto, en Almería, confirmaba a captura dunha aurora boreal ás 20.16 horas do domingo 23 de abril, incluíndo un vídeo timelapse do histórico momento. Dende o centro astronómico cualifícano de “todo un récord” no sur da península ibérica, polo menos nas últimas décadas. Non está claro se durante o intenso episodio de 1938, que si se puido percibir dende Galicia, tamén deixou pegada nos ceos andaluces.

O observatorio almeriense tamén gravou un vídeo dende unha das cámaras do centro, dende as que se apreciou tanto a aurora como os diferentes movementos do ceo, dende avións ata satélites. De Galicia non hai testemuñas gráficas pola dificultade de observación, dada a nubosidade que predominou todo o domingo. Porén, o investigador Pedro Pablo Campo, do Observatorio Astronómico Ramón Mª Aller, cre o seguinte: “Se se ven dende Almería, teñen que verse dende aquí”. Non estaba prevista a aparición da aurora boreal en ceos galegos pero, segundo confirma o astrónomo, é tempo de auroras boreais e por iso é preciso estar alerta.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As auroras boreais veranse en Galicia nos vindeiros meses

Rexistráronse tres episodios en apenas sete meses, mais as condicións atmosféricas impediron gozar do espectáculo

As catro veces que o fenómeno se puido ver en Galicia nos últimos cen anos

A primeira do século aconteceu o pasado domingo, pero os ceos cubertos polo paso dunha borrasca atlántica impediron a súa visualización

Unha aurora boreal en Galicia: a actividade solar iluminou o ceo do domingo

As nubes impediron desfrutar do espectacular fenómeno, que se puido observar dende zonas como Extremadura e Andalucía

Así se ve unha aurora boreal dende o espazo

O astronauta Josh Cassada capturou unha fotografía deste fenómeno dende a Estación Espacial Internacional o 27 de febreiro