A táboa pode verse na Facultade de Ciencias da Universidade da Coruña. Foto: UDC Big Bang.
A táboa pode verse na Facultade de Ciencias da Universidade da Coruña. Foto: UDC Big Bang.

A Universidade da Coruña presenta a súa táboa periódica xigante

A Facultade de Ciencias acolle unha representación de todos os elementos, cunha breve explicación dos seus usos e aplicacións

A Facultade de Ciencias da Universidade da Coruña presentou este xoves a súa táboa periódica xigante, unha iniciativa impulsada pola asociación de estudantes UDC Big Bang, que fomenta a divulgación científica e tecnolóxica no seo da institución.

Detalle do cadro dedicado ao magnesio. Foto: UDC Big Bang.
Detalle do cadro dedicado ao magnesio. Foto: UDC Big Bang.

A táboa expón todos os elementos en cadanseu cadro, no que se explica a historia, orixe, usos e aplicacións de cada un dos compostos químicos. Amósanse tamén, a modo de exemplo, diversos materiais baseados en cada un dos elementos da táboa.

Na xornada de inauguración, celebrada este xoves na Facultade de Ciencias da Universidade da Coruña, tivo lugar unha visita guiada á táboa, dirixida por membros de UDC Big Bang, na que se explicou a confección da táboa e a compilación de mostras. Despois da inauguración houbo tamén unha charla de Deborah García Bello, química e divulgadora científica, sobre as peculiaridades da conformación do sistema dos elementos.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.