Este martes 2 de xullo, desde o Pacífico e algunhas rexións de Arxentina e Chile puideron gozar coa única eclipse total de Sol no ano 2019. Miles de persoas seguiron con expectación o fenómeno, que deixou moitas e moi variadas imaxes salientables. Pero a perspectiva que achegou o satélite chino DSLWP-B desde a órbita da Lúa é especialmente abraiante polo lugar no que foi tomado.
Como é sabido, a eclipse de Sol prodúcese cando a Lúa se interpón entre a Terra e o Sol. Nestas situacións, a luz solar queda obstaculizada polo satélite e, nas zonas do planeta onde se proxecta esta sombra, o día escurécese e a estrela agóchase tras un círculo negro, do que só sobresaen os seus bordos.
E precisamente desde a órbita da Lúa foi captada esa sombra do sol na Terra, grazas á cámara do satélite DSLWP-B, un dos que acompañou a misión chinesa Chang’e 4 para chegar á cara oculta da Lúa. Segundo recolleu Microsiervos, e explica a conta de Twitter do telescopio Dwingeloo, un dos aparellos onde se procesaron os datos enviados polo satélite, captáronse un total de seis imaxes nos que a eclipse se proxecta sobre a Terra, e que se poden ver baixo estas liñas.
This image of the #SolarEclipse2019 was taken yesterday by the Chinese lunar satellite DSLWP-B, and downloaded just now with telescopes in Dwingeloo and Bejing. Command upload by @KuehnReinhard; planning by @bg2bhc and @ea4gpz. https://t.co/LYSMUCCwGX
— Dwingeloo Telescoop (@radiotelescoop) 3 de xullo de 2019
Wow. This an #Earthrise image also capturing the shadow cast by the July 2 total solar eclipse. pic.twitter.com/nlHn9odxjP
— Andrew Jones (@AJ_FI) 3 de xullo de 2019
