Milleiros de persoas en Arxentina e Chile puideron gozar este 2 de xullo dunha eclipse solar total. Durante arredor de dous minutos, a Lúa ocultou o Sol e fixo escurecer por completo o ceo. Tamén se puido ver de xeito parcial noutros países do sur de América.
Os observadores que se atopaban dentro da franxa de totalidade puideron gozar de do espectáculo de ver a noite en pleno día. Esta franxa incluía as rexións de Coquimbo e Atacama en Chile e as provincias de San Juan, San Luís, La Rioja, Córdoba, Santa Fe e Bos Aires na Arxentina.
Noutros países do sur de América a eclipse foi vista de xeito parcial. Para gozar do fenómeno, nenos e adultos achegáronse a centros astronómicos para observalo a través de telescopios ou directamente con lentes protectoras.
Pero a imaxe máis chamativa da eclipse seica sexa a captada por un satélite meteorolóxico dos Estados Unidos, que amosa o paso da sombra mentres avanza sobre o océano un ciclón no Pacífico. Podes velo neste vídeo:
Not too often you catch a Category 4 hurricane and a solar eclipse occurring in the same satellite loop. pic.twitter.com/eFze8Z3avp
— NWS Kansas City (@NWSKansasCity) 2 de julio de 2019
