Únete á nosa canle de Whatsapp
Despois dun tempo primaveral, mesmo acadando algúns rexistros récord en febreiro, unha borrasca con nome propio, Jorge, traerá unha situación complicada cara á fin de semana en Galicia. Desde o sábado e ata o luns, o noroeste da península ibérica sufrirá o impacto dunha borrasca da que vén de emitir un aviso especial a Axencia Estatal de Meteoroloxía (ver PDF).
Jorge acabará así con días de ceos practicamente despexados e temperaturas máis altas que as habituais para estas datas. Desde a súa situación na contorna de Irlanda, chegará unha fronte fría que producirá choivas e refachos moi fortes de vento no noroeste peninsular. A continuación, máis sistemas frontais atlánticos, asociados a novos centros de presión, estenderán as precipitacións e os ventos fortes a boa parte da península ata o martes que vén.
Durante o sábado, a fronte fría asociada a Jorge cruzará a Península de oeste a leste, dando lugar a choivas xeneralizadas, principalmente durante a madrugada, en Galicia. No cuadrante noroeste tamén destacarán refachos moi fortes de vento, que poderían superar os 100 km/h, do suroeste e oeste. A inestabilidade notarase tamén no estado da mar, con ondas de mar combinada de 4 a 5 m. Alén disto, a fronte producirá un descenso notable das temperaturas diúrnas, situándoas en valores próximos aos normais destas datas.
Ao longo dos días seguintes, novas frontes atlánticas, con maior contido de humidade e por tanto, máis activos incidirán sobre a Península e Baleares. O domingo as choivas máis intensas corresponderán ao oeste e suroeste de Galicia. A cota de neve situarase nuns 1200 m.
Ante esta situación, a Aemet xa activou o nivel de aviso laranxa para as provincias da Coruña, Lugo e Pontevedra por fortes refachos, así como no litoral polas ondas e o vento no mar
Mañá o tempo será aínda tranquilo, pero a situación terá un empeoramento na madrugada do sábado, con chuvia e fortes ventos⚠️.
Vemos como os modelos prevén que en 24h, a partir de mañá ao mediodía, se forme a #borrascaJorge e se profundice con rapidez. https://t.co/795Ol1Dc28 pic.twitter.com/sg9uJVfB4e— MeteoGalicia (@MeteoGalicia) February 27, 2020
Empeoramento cara ao luns
O día máis adverso despois da chegada de Jorge será probablemente o luns, cando unha nova borrasca profundarase nas proximidades da Península e Baleares, dando lugar, de forma xeneralizada, a precipitacións, refachos moi fortes de vento e mal estado da mar. En Galicia, é posible que a cota de neve estea arredor dos 1.000 metros, e os refachos, sobre todo no litoral e nas zonas altas, pasarán dos 110 km/h.
