O bólido, desde o Observatorio Ramón María Aller da USC, en Santiago. Imaxes cedidas por José Ángel Docobo.
O bólido, desde o Observatorio Ramón María Aller da USC, en Santiago. Imaxes cedidas por José Ángel Docobo.

Avistan un meteoro, acompañado dun forte estrondo, en varios puntos de Galicia

O bólido foi observado tamén nunha ampla franxa do oeste da península, desde O Bierzo ata Sevilla, sobre a 1.20 horas da madrugada

Un meteoro foi avistado na madrugada do domingo 17 ao luns 18 en numerosos de Galicia e outras áreas do oeste peninsular. O bólido, acompañado dun forte estrondo, foi visible sobre a 1.19 horas da madrugada. A Rede de Investigación de Bólidos e Meteoritos (SPMN), que fixo un chamamento a posibles testemuñas para achegar máis detalles do fenómeno, constatou ao longo do día que a magnitude absoluta do bólido foi de -16, o que supón que brillou máis que a Lúa chea. Algunhas testemuñas constataron que o paso do meteoro provocou “que case se fixese de día” nas zonas onde foi avistado.

Esta mesma rede expuxo que o rango de observación abrangueu, ademais de Galicia, Andalucía, Asturias, Castilla-La Mancha, Castilla y León, Comunidad de Madrid, Extremadura, La Rioja, Euskadi e o norte de Portugal.

Desde o Observatorio Astronómico Ramón María Aller da USC, o profesor José Ángel Docobo aconteceu sobre O Bierzo, “aínda que se viu bastante ben en Galicia, sobre todo ao sur, que estaba máis despexado”.

Desde a Rede SPMN constatan tamén que o paso do bólido chegou a ser captado por dúas estacións sísmicas do Instituto Geográfico Nacional (IGN).

O fenómeno causou numerosas reaccións nas redes sociais, dando conta tanto do estrondo como do resplandor que emitiu o obxecto. A Radio Galega recibiu centos de chamadas para avisar do avistamento:

Hai agora oito meses, a finais de abril de 2020, en pleno confinamento por mor da pandemia da Covid-19, un meteoro causou unha importante expectación en Galicia. Pero naquela ocasión tratábase dun obxecto artificial; era parte dun foguete Soyuz que se desintegrou sobre o ceo de Galicia a primeira hora da mañá, deixando un brillante ronsel e captando a atención de moitas persoas:

Un fragmento dun foguete Soyuz lanzado o pasado sábado ilumina o ceo de Galicia

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.