Volve a borrasca. Tras varias semanas de estabilidade, o tempo en Galicia volve axitarse, cunha situación propia do inverno. Unha fronte moi activa achegarase durante o martes, traendo consigo un aumento de nubes e chuvias, que comezarán polo oeste e irán estendéndose ó resto do territorio ó longo da xornada.
As temperaturas mínimas experimentarán un moderado ascenso, mentres que as máximas sufrirán un lixeiro descenso. Os ventos soprarán de compoñente sur, fortes en xeral, moi fortes no litoral e zonas altas.
Evolución de la situación en superficie para las próximas 72 horas, https://t.co/XZgPFkyP2Q pic.twitter.com/f9azSia4Cn
— AEMET (@AEMET_Esp) January 17, 2021
Son precisamente estes ventos os que traen avisos amarelos con refachos de máis de 80 km por hora na Mariña, noroeste da Coruña, montaña de Lugo e montaña de Ourense. Meteogalicia activou tamén o aviso laranxa por ventos do mar, que serán de forza 8 tanto na Costa da Morte como nas Rías Baixas. Tamén a Axencia Estatal de Meteoroloxía (Aemet) coincide con estas previsións e avisos amarelos e laranxas para Galicia este martes 19 de xaneiro.
Aquí podes consultar o boletín de avisos previsto por Meteogalicia
