Do Barqueiro a Cariño, polo aire: voo pola costa máis septentrional de Galicia

A Deputación da Coruña achega nunha serie de vídeos os preto de 1000 quilómetros de costa; esta é a primeira das entregas

Na desembocadura do río Sor, que forma a ría do Barqueiro, a coñecida ponte metálica preto deste porto do mar separa as provincias da Coruña e Lugo. E desta pequena vila do concello de Mañón parte o primeiro dos vídeos difundidos pola Deputación da Coruña, cos que percorre, desde bares a Rianxo, os case 1000 quilómetros de entrantes e saíntes polo litoral da provincia.

Do Barqueiro a cámara viaxa ata a Estaca de Bares, o punto máis setentrional da península ibérica. O seu faro, os vestixios dunha base militar estadounidense ou a gran riqueza ornitolóxica que se poden observar desde el son atractivos suficientes que ben pagan unha visita. Chega a continuación a paraxe icónica de Loiba, que nos últimos anos acadou gran sona por ser destino fotográfico de miles de persoas, retratadas no banco con vistas aos cantís que albiscan ata Ortegal.

Desde aquí dáse o salto á seguinte das Rías Altas, a de Ortigueira, en cuxa parte interna medou a vila que lle dá nome. Saíndo cara ao mar, a través das distintas enseadas, da praia de Morouzos, Fornos ou Espasante, ou a Illa de San Vicente, xa vemos Cariño, o principal porto mariñeiro a carón de Ortegal. Moi preto están o espectacular cabo e, a carón del, cara ao suroeste, esténdense os cantís de Herbeira, os máis altos de Europa. Máis iso xa queda para outro día…

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.