Xoves 28 Marzo 2024

Un congreso matemático rende homenaxe ao catedrático Juan José Nieto

Recoñecidos especialistas en análise non linear e problemas de contorno de 25 países daranse cita dende este martes 4 e ata o día 7 na Facultade de Matemáticas na International Conference in Nonlinear Analysis and Boundary Value Problems 2018. O encontro, está organizado polo Grupo de Ecuacións Diferenciais Non Lineares da USC e coordinado polo catedrático Alberto Cabada Fernández, o congreso dará conta dos últimos avances nun campo fundamental para o estudo da modelización matemática de fenómenos que xorden na natureza dentro de ámbitos como a física, a medicina ou a bioloxía.

O programa científico xirará en torno a catro conferencias plenarias e 12 semiplenarias. O resto dispóñense entre conferencias convidadas nas distintas sesións especiais do congreso e contribucións curtas.

Publicidade

O evento dedícaselle, polo seu 60 aniversario, ao catedrático de Análise Matemática na USC desde 1991 Juan José Nieto Roig, un dos matemáticos máis citados no mundo segundo Web of Knowledge e que aparece na lista de Highly Cited Researchers de Thompson Reuters. As súas contribucións máis influentes ata a data se atopan na área das ecuacións diferenciais. 

Juan José Nieto

Licenciado en Matemáticas na Universidade compostelá en 1980, Juan José Nieto obtivo unha bolsa Fulbright e trasladouse á Universidade de Texas en Arlington, onde traballou co profesor V. Lakshmikantham. Tres anos máis tarde doutorouse en Matemáticas na USC baixo a dirección do catedrático Gerardo Rodríguez López. As súas liñas de investigación céntranse fundamentalmente no cálculo fraccionario, as ecuacións difusas e os modelos epidemiolóxicos.

Ocupou diferentes cargos na Universidade de Santiago de Compostela, entre eles o de decano da Facultade de Matemáticas e director do Instituto de Matemáticas. Actualmente é editor de numerosas revistas Fixed Point Theory ou International Journal of Biomathematics, destacando os postos de Division Editor do Journal of Mathematical Analysis and Application e de editor asociado de Fractional Calculus and Applied Analysis e do Journal of the Franklin Institute. É tamén membro da Real Academia Galega de Ciencias.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

“A oncoloxía de precisión detecta mutacións tratables en moitos cancros de pulmón”

Este xoves arrinca o V Simposio Nacional de Oncoloxía de Precisión. Entrevistamos a un dos seus coordinadores científicos, Sergio Vázquez Estévez

O catedrático da USC, Juan José Nieto, galardoado co Premio Conde de Cartagena

O recoñecemento en investigación traslacional, concedido pola Real Academia Nacional de Medicina,débese ao seu traballo sobre a loita contra a Covid-19 e futuras epidemias

Estes son os investigadores de USC e UVigo entre os máis citados do mundo

Juan José Nieto, Álvaro Goyanes, Jianbo Xiao e Francisco J. Barba repiten na listaxe anual que elabora Clarivate

O 99% das mortes por Covid-19 en Galicia foron persoas de máis de 50 anos

Un artigo de científicos da USC, UVigo e Chuac analiza os datos do primeiro ano da pandemia tomando como referencia os grupos de idade