Queda desaconsellado o baño en ríos e praias de toda Galicia durante as próximas 24 horas. A Xunta vén de emitir unha advertencia á cidadanía na que fai un chamado a non bañarse en areais e zonas fluviais polos problemas derivados do apagamento masivo do pasado luns 28 de abril.
Segundo a información facilitada polo Goberno galego a través das súas contas en redes sociais pasadas as 17:30 horas deste martes, a falla de subministración eléctrica fixo que parte dos caudais “non puideran ser tratados con normalidade”.
Polo tanto, piden á cidadanía que non se baña en praias ou ríos de toda a comunidade galega, unha advertencia que estenden para as próximas 24 horas.
Non foi o único problema comunicado polas autoridades galegas relacionado ca xestión das augas durante o apagamento. Este martes, o alcalde vigués, Abel Caballero, comunicou que durante os próximos días haberá limitacións ao baño nos areais da cidade olívica debido á parada sufrida na EDAR, que fixo que aliviase cara ao mar.
