Un apagamento eléctrico masivo sen precedentes colapsou a península ibérica durante horas. Sen que transcendese aínda a causa do suceso, España e Portugal —agás a illas, que non se viron afectadas— recuperaron progresivamente a normalidade durante esta madrugada. Galicia non foi unha excepción: as primeiras luces chegaron a Ourense arredor das 14.30 horas do luns, pero vilas como O Carballiño ou O Grove non viron restablecido o seu servizo ata primeira hora da mañá deste martes.
O apagamento foi un acontecemento insólito que logrou capturar a NASA a través de imaxes de satélite. A primeira reflicte a situación luminosa do 28 de abril, mais non ten hora. A deste martes probablemente se recolleu cando xa estaba avanzada a madrugada. Como se pode ver, as cidades de Vigo e da Coruña teñen moita luz, e os datos oficiais indican que non a recuperaron —sempre gradualmente e variando entre rúas— ata pasadas as 2.00 horas. Como se ve, as vilas costeiras e o interior de Galicia estaban completamente a escuras nunha xornada de candeas e radios analóxicas.
Saludos. Muy buena página.