O cómic 'vivir en el suelo' é a edición en castelán dunha obra do Consello da Cultura Galega.

O cómic 'vivir en el suelo' é a edición en castelán dunha obra do Consello da Cultura Galega.

Un cómic galego para descubrir a terra

O CSIC publica para toda España 'Vivir en el suelo', a versión en castelán do cómic editado polo Consello da Cultura Galega

O cómic 'Vivir en el suelo'.

O cómic ‘Vivir en el suelo’.

O solo é un recurso non renovable e fundamental para a vida no planeta Terra. As plantas, que están na base da cadea alimentaria, precisan do solo para asentarse e medrar. E son necesarios 200 anos para formar cada centímetro de sustrato. Incendios forestais, secas, riadas e a acción do home están a erosionar os solos e poñer en perigo a biodiversidade.

En 2015 conmemórase o Ano Internacional dos Solos co obxectivo de aumentar a concienciación e a comprensión sobre a importancia deste recurso non renovable para a seguridade alimentaria e as funcións esenciais dos ecosistemas. O CSIC abre esta conmemoración coa presentación do cómic ‘Vivir en el suelo‘, a versión en castelán dun cómic galego, editado no ano 2000 polo Consello da Cultura Galega. Agora, vanse distribuir 6.000 exemplares en toda España, mentres que o Concello de Santiago financiou a reedición doutros 2.000 en galego.

O cómic, que se concibe como un recurso didáctico e divulgativo, busca a través de 20 páxinas e 60 viñetas concienciar acerca da problemática ambiental do solo e a necesidade da súa protección. Diríxese tanto ao público infantil coma ao público xeral e ao alumnado de todos os niveis educativos.

O cómic divulgativo está dirixido tanto a escolares como a adultos

Na presentación de ‘Vivir en el suelo’ participaron, entre outros, o coordinador institucional do CSIC en Galicia, Eduardo Pardo de Guevara e Valdés, e a investigadora do CSIC e presidenta da Delegación da SECS en Galicia, Montserrat Díaz Raviña. En representación dos autores interviñeron a catedrática María Pilar Jiménez Aleixandre e Francisco Díaz Fierros, por parte do Consello da Cultura Galega.

O CSIC e a Sociedade Española da Ciencia do Chan (SECS) promoveron a reedición deste cómic, que se publica no marco de ‘Cidade Ciencia‘, un proxecto de divulgación científica posto en marcha polo CSIC e pola Obra Social “la Caixa” en colaboración con máis de 30 localidades de toda España para achegar a actualidade científica e técnica á sociedade. Os 6.000 exemplares distribuiranse entre os mozos dos municipios adscritos ao proxecto. Xa se pode descargar de forma gratuíta este material na web de Cidade Ciencia.

Descarga o cómic de xeito gratuito neste enlace

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.