150 lumbrigantes foron liberados onte na Reserva Mariña de interese pesqueiro dos Miñarzos (Corcubión) como parte do Plan de Repoboación que ten por obxectivo principal estudar a supervivencia dos individuos liberados e avaliar se chegan a incorporarse ao stock da súa pesquería. A actividade do Plan de Repoboación de Galicia centrouse no cultivo, marcaxe, liberación e análise dos datos de recapturas de individuos de lumbrigante, Hommarus gammarus. Actualmente, os individuos liberados proceden do resultado da actividade docente do IGaFA, e dende o Centro de Investigacións Mariñas de Corón (CIMA), en Vilanova de Arousa, lévase a cabo tanto a marcaxe dos individuos como o seguimento e avaliación dos datos de solta e recaptura. Estes datos poderían achegar información imprescindible para o coñecemento da bioloxía desta especie. Agora, o éxito deste esforzo depende da colaboración dos pescadores enviando datos de capturas e de que as persoas que se achegan á ribeira respecten e non capturen exemplares desta especie. / Foto: O Canto da Balea.
Gonzalo Mucientes publica 'El Naturalista Impaciente', un libro que condensa a súa paixón por viaxar con impactantes fotografías de fauna e flora de todo o globo
O declive dos 'Hippocampus' nas costas impulsa o proxecto Hippo-Dec, centrado en avaliar as súas poboacións e identificar zonas prioritarias de conservación
Os achados abren novas perspectivas para o tratamento personalizado de trastornos como a síndrome metabólica ou as alteracións asociadas ao traballo por quendas
Utilizamos cookies para asegurar que damos a mellor experiencia ao usuario no noso sitio web. Se continúa utilizando este sitio asumiremos que está de acordo.
