Únete á nosa canle de Whatsapp
Xa se fixeran públicas algunhas imaxes a pasada semana, cando se constatou que a Misión Einstein da Axencia Espacial Escolar Galega, a NOSA, demostrou a teoría da relatividade especial do célebre físico. E agora o equipo que fixo posible a Marumasat IV difundiu un vídeo de máis de oito minutos de duración no que se pode ver o percorrido realizado pola sonda o pasado 28 de maio.
Desde o accidentado lanzamento en Ordes ata a aterraxe en Maceda, o vídeo amosa as paisaxes sobre as que voou a Marumasat IV durante tres horas. A case 36 quilómetros de altura, e despois do estourido do globo de helio, comezou o descenso en paracaídas ata a zona onde foi atopada varios días despois.
Publicidade
