Vai ser unha vaga de calor “potencialmente perigosa” en países como España, Francia, Bélxica, Alemaña, Países Baixos ou Inglaterra. Hai quen menciona a semellanza coa catastrófica vaga de agosto de 2003 en Francia, cando faleceron milleiros de persoas como consecuencia directa ou indirecta das altas temperaturas rexistradas. Alén da intensidade, preocupa a duración destas condicións, xa que se manterá alomenos ata o 1 de xullo desde mediados desta semana, segundo informou a Axencia Estatal de Meteoroloxía (Aemet) nun boletín especial emitido este luns. Pero Galicia apenas o vai notar, agás na zona máis oriental de Lugo e Ourense.
Tal e como explica a Aemet, a partir deste mércores comezará a ascender desde o norte de África unha masa de aire tropical continental, moi cálida, seca e con po en suspensión. Ao coincidir coa forte insolación e a curta duración da noite, a situación dará lugar a valores moi altos no leste da península e Baleares. Chegarase aos 35º C en moitas zonas do interior, e mesmo por riba 40º.
A vaga de calor da vindeira semana afectará a #Galicia🧐?
-Non. En principio quedamos protexidos dos seus efectos.
-Por qué?
-A corrente en chorro volve a ser meridional. A baixa do Atlántico desprazará aire cálido a puntos de Europa. Nós gozaremos de aire marítimo, máis fresco pic.twitter.com/2FoUkdPRlA— MeteoGalicia (@MeteoGalicia) 21 de xuño de 2019
Sen vaga de calor
Pero en Galicia apenas se notará. “A masa de aire quente vai pola parte leste e hai que ter tamén en conta que hai unha bolsa de aire frío que continúa enriba de nós”, explica Alberto Romero, de MeteoGalicia. Así, mentres as predicións chegan a amosar valores de 30º C no aire a 1.500 metros de altura, ao noroeste de Galicia, no Atlántico, permanece unha masa de aire procedente da corrente en chorro, moi ondulada e en latitudes bastante meridionais para a época do ano, que arrefría o ambiente. O único reseñable podería ser, segundo Romero, unha leve sensación de bochorno e algunha treboada puntual.
Así, mentres o mércores 26 podería chegarse a pasar dos 40ºC en Aragón,, Navarra, Castilla-La Mancha ou Madrid, na Coruña e en Vigo non se superarán os 25º, e as mínimas caerán ata os 15ºC pola noite. Con todo, nas zonas do leste, sobre todo na provincia de Ourense, si que se superarán os 30ºC, pero aínda así estarán lonxe das previsións da Meseta.
Ante esta situación, os servizos de meteoroloxía están preparando e concienciando á poboación, sobre todo os grupos máis vulnerables, para evitar graves consecuencias. En Francia, onde a vaga de 2003 causou un forte impacto social, os medios de comunicación e insititucións estanse mobilizando para evitar que se repita o acontecido hai 16 anos.
Très fortes chaleurs : vers un épisode de #canicule remarquable avec jusqu’à 39 °C à #Paris, 40 °C à #Lyon https://t.co/Cot3p6igvn pic.twitter.com/brrCKRg6nH
— Météo-France (@meteofrance) 21 de xuño de 2019