Arredor das 15.50 horas do pasado 28 de maio e a máis de 35.000 metros de altura, quedaban poucos instantes para que o globo de helio da Marumasat IV estourase e comezase o seu descenso controlado por paracaídas, ata que tomou terra no municipio de Maceda. E foi neses momento cando a cámara incorporada na sonda da Axencia Espacial Escolar Galega puido captar, cunha perspectiva abraiante, o perfil do litoral de Galicia e de boa parte do noroeste ibérico.
Nas imaxes é posible distinguir en Galicia a terra firme e o mar con claridade grazas as boas condicións atmosféricas do día do lanzamento. Con todo, vense tamén algunhas nubes na cordilleira cantábrica que impiden albiscar o litoral de Asturias ou Cantabria.
As imaxes recollen, segundo informa a NOSA, a costa de Portugal alén da cidade do Porto, aínda que non se pode ver moito máis ao sur debido á saturación da atmosfera pola evaporación do aire cálido daqueles días.
Máis imaxes de Galicia a 35 quilómetros de altura
Outro dos detalles reseñables captados pola Marumasat IV desde os 35 quilómetros de altura é o ocaso lunar diurno, así como unha posible imaxe de Venus a carón do Sol. Un extremo pendente de confirmar, xa que tamén podería ser un reflexo.
