Foi a primeira longametraxe documental sobre Galicia realizada antes da Guerra Civil. ‘Un viaje por Galicia‘ foi estreada en 1929 para ser exhibida na Exposición Iberoamericana de Sevilla e rodada polo director Luis Rodríguez Alonso.
As catro deputacións provinciais galegas sufragaron os gastos do filme, que foi encargado polo comisario do Pavillón de Galicia. O feito de que o director fora orixinario de Palencia provocou certa polémica nos medios de comunicación galegos da época, pois se tiña rexeitado un proxecto do realizador José Gil, quen tiña moita experiencia en documentais sobre Galicia, ademais de ter rodado o primeiro filme de ficción: Miss Ledya, rodado na illa da Toxa, onde aparecía como figurante Castelao.
‘Un viaje por Galicia’ permítenos viaxar no tempo á Galicia de hai case un século. O filme foi a primeira cinta que restaurou o Centro Galego de Artes da Imaxe no ano 1991. A música é de Perfecto Feijoo, Aires d’a Terra (1904), o primeiro disco grabado en Galicia.
Parabens! pola publicación