Venres 29 Marzo 2024

O documental coas fotos de Galicia de Ruth Matilda Anderson

A Asociación cultural Dous Punto Oito estrea na rede este traballo, que segue os pasos da fotógrafa estadounidense en 1924 e 1926

Xa é posible seguir os pasos de Ruth Matilda Anderson por Galicia en 1924 e 1926. A moza fotógrafa estadounidense fixo un abraiante retrato do país  que nos traslada ao pasado.

Agora, a Asociación cultural Dous Punto Oito publicou na rede o seu documental A viaxe de Ruth. Dirixido por Jaime Pardo e Xosé Reigosa, o documental segue o fío da propia viaxe da fotógrafa Ruth Matilda Anderson e o seu pai pola Galicia. Con entrevistas a expertos, comparativa entre o escenario das fotos e o actual, entrevistas a descendentes dos protagonistas das imaxes e coidadas recreacións da viaxe, o documental permítenos comprender as circunstancias de elaboración dun dos corpus fotográficos máis importantes da Galicia de principios do século XX.

Publicidade

Ruth Matilda Anderson viaxou dúas veces a Galicia, acompañada do seu pai Alfred que tamén era fotógrafo, por encargo da Hispanic Society of America, fundación dirixida por Archer M Huntington.

Ruth Matilda Anderson, a moza estadounidense que retratou á Galicia dos anos 20

Ruth realizou durante a súa estadía en Galicia unhas 5.500 fotografías, dunha gran calidade, o que a xuízo dalgúns entendidos, non ten parangón con ningún traballo da época.

O documental “A viaxe de Ruth” trata de rememorar esta viaxe, case 100 anos despois, facendo que un fotógrafo galego, José Reigosa, percorra algúns dos máis importantes escenarios que Ruth fotografou, tratando onde sexa posible de realizar unha toma similar e comprobando canto cambiou Galicia desde aqueles anos a hoxe. Deixando constancia sobre todo dun cambio fundamental como é a transición dunha sociedade rural a unha sociedade maioritariamente urbana.

Colaboraron nesta longametraxe documental a Asociacion veciñal Liga Santaballesa de Vilalba e a aula de Teatro do Concello de Sarria.

As 50 fotos de Ruth Matilda en Galicia que non coñecías

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.