O novo grao impartirase na Facultade de Ciencias da Coruña. Foto: UDC.
O novo grao impartirase na Facultade de Ciencias da Coruña. Foto: UDC.

A Universidade da Coruña implanta o grao en Nanociencia e Nanotecnoloxía

O Consello Galego de Universidades aprobou a posta en marcha da titulación, que ata agora só se impartía en España na Autónoma de Barcelona

A Universidade da Coruña ofrecerá a partir do curso 2020-2021 o grao de Nanociencia e Nanotecnoloxía, que ata agora só se impartía en España na Universidad Autónoma de Barcelona. A titulación, que se adscribe á Facultade de Ciencias, achegará unha nova vía de formación nun sector que xa é un piar clave no desenvolvemento da innovación e a industria no mundo, con ramificacións en moi diversas materias como as ciencias da saúde, o sector téxtil, a obra civil ou a enxeñaría de materiais.

A decisión da implantación do novo grao en Nanociencia e Nanotecnoloxía tomouna esta semana o Consello Galego de Universidades, que aprobou tamén o Máster en Dereito Dixital e da Intelixencia Artificial e o Máster en Dirección, Xestión e Innovación de Institucións Escolares, tamén na Universidade da Coruña.

Máis novos títulos

Con respecto aos novos títulos que as universidades ofertarán o vindeiro curso, ademais do da UDC, entrarán en funcionamento na Universidade de Santiago de Compostela o Grao en Empresa e Tecnoloxía; o Grao en Bioquímica (ambos no campus de Lugo); e o Máster Universitario en Planificación e Xestión Territorial (nos campus de Santiago e de Lugo).

Na Universidade de Vigo ofertaranse os Máster en Dirección e Innovación da Cadea de Subministración (campus de Vigo); e o Máster en Industria 4.0, tamén no campus de Vigo, pero con carácter interuniversitario coa Universidade de León.

Así mesmo, con carácter interuniversitario, o curso próximo implantarase o Máster en Nanociencia e Nanotecnoloxía, conxunto entre a USC e a UVigo, nos campus de Santiago e Vigo respectivamente; e o Máster en Visión por Computador, tamén conxunto entre UDC (campus da Coruña), USC (campus de Lugo), UVIGO (campus de Vigo) e a Universidade de Porto.

E finalmente as universidades de Santiago de Compostela e de Vigo compartirán un novo Programa de Doutoramento en Turismo (nos seus campos de Santiago e de Ourense respectivamente).

Con respecto aos novos títulos que as universidades ofertarán o vindeiro curso, ademais dos mencionados na Universidade da Coruña, entrarán en funcionamento na Universidade de Santiago de Compostela comezarán a impartirse o Grao en Empresa e Tecnoloxía; o Grao en Bioquímica (ambos no campus de Lugo); e o Máster Universitario en Planificación e Xestión Territorial (nos campus de Santiago e de Lugo).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.