Precisamos perspectiva de xénero para investigar?

Co gallo do Día Internacional da Muller e a Nena na Ciencia, aproveitamos para facernos unha pregunta esencial. Precisamos perspectiva de xénero na ciencia? Contesta Encina Calvo Iglesias, profesora titular de Física Aplicada.

Elas son máis cando se matriculan na universidade, pero a súa distribución entre áreas profesionais é desigual. Superan o 70% nos graos relacionados cos coidados e apenas chegan ao 30% nas enxeñarías. Menos do 25% acadan o posto de catedráticas. Hoxe, arrincamos un novo proxecto: o pódcast Investigar na USC. Facémolo grazas á colaboración da Universidade de Santiago de Compostela e iremos visitando as súas facultades para coñecer mellor o que se fai alí.

Publicidade

Escoita Investigar na USC en: Spreaker, Ivoox, Spotify, iHeart, Google Podcasts, Deezer, Podcast Addict e Podchaser.