Galicia sofre un apagón xeneralizado que tamén afecta a toda a península ibérica, incluido Portugal. O suministro eléctrico está interrompido na súa totalidade desde as 12,30 horas sen que, polo momento, se coñezan as causas.
O corte está a afectar a actividade de todo o país, con atascos nas cidades ante a falla dos semáforos e o tráfico ferroviario detido. Servizos esenciais como os hospitais víronse obrigados a activar os sistemas de emerxencia e funcionan con xeradores.
Red Eléctrica de España traballa no restablecemento do suministro mentres as autoridades apelan á calma e á prudencia da cidadanía.
Os problemas non só afectan a España e Portugal, senón que se estenden a outros puntos de Europa coma Francia, Italia, Grecia ou Hungría. Polo momento, está descartado que sexa consecuencia dun ataque informático.
*Información en proceso de ampliación.
