Se hai algo polo que se coñece a España no mundo enteiro é pola sesta. É un dos tópicos “made in Spain” máis arraigados. Sen embargo, na súa maioría, isto non se corresponde coa realidade. De feito, Galicia é a gran excepción, xa que é a comunidade onde menos se bota unha soneca de todo o Estado.
A proposta por parte do presidente do Goberno en funcións de volver ó mesmo fuso horario de Portugal e Reino Unido coa finalidade de harmonizar os horarios cos colegas europeos, desatou unha chea de mofas por parte da prensa internacional. Titulares do tipo “Hora de erguerse!”, “Adeus sesta!” ou “Rajoy quere rematar coa sesta” arremeten contra a xornada laboral e as tres horas de sesta que, segundo diarios coma “The Independet” ou “The Times”, botan os españois a diario.
Galegos e vascos, os que menos dormen a sesta
É certo que os horarios españois son particulares e que a pausa de mediodía en España é máis longa que noutros países e, en moitos casos, chega ás dúas horas, pero isto non significa que se aproveiten para durmir a sesta. De feito, existe un estudo elaborado en 2009 pola Fundación de Educación para a Saúde (Fundadeps) e a Asociación Española da Cama (Asocama) que desmonta estes tópicos.
o 58.6% dos españois nunca bota a sesta
Os resultados da enquisa elaborada entre 3.000 adultos de toda España, demostrou os seguintes datos: O 16.2% dos españois bota unha sesta cada día, o 22% só a veces, o 3.2% só as fines de semana e o 58.6%, nunca.
Aínda que os datos son similares para toda España, os murcianos son os que máis dormen a sesta cada día (21.2%), seguidos dos aragoneses (21.1%). Os que menos, os vascos (12.2%) e os galegos (12.4%). De feito, un 70.5% dos galegos afirma que nunca dorme a sesta, unha cifra que está doce puntos por riba da media española.
