O medicamento común para a artrite ofrece novas esperanzas para tratar a alopecia grave

Un ensaio clínico de en fase tres demostra que os tratamentos das dúas afeccións poderían ser similares, cun medicamento eficaz para a areata nun terzo dos pacientes

calvicie

Pode parecer que a artrite reumatoide e unha forma grave de perda de cabelo chamada alopecia areata  non teñan moito en común. Unha causa dor e hinchazón nas articulacións, mentres que a outra conduce a unha perda dramática e irregular de cabelo.

Pero en ambos os casos, o sistema inmunitario decidiu que as propias células do corpo son unha ameaza: na alopecia, isto leva ao sistema inmunitario a atacar os folículos pilosos, mentres que na artrite, está a atacar os tecidos das articulacións.

Un novo estudo de un ensaio clínico de fase tres demostrou que os tratamentos para estas dúas afeccións tamén poderían ser similares, cun medicamento para a artrite chamado baricitinib que pode ser eficar para a alopecia areata nun terzo dos pacientes.

Non será unha solución inmediata para a alopecia areata, pero pronto podería estar dispoñible como opción de tratamento

Esta non é unha solución inmediata para aquelas persoas con alopecia areata, pero é un desenvolvemento médico importante que pronto podería estar dispoñible para os pacientes como opción de tratamento.

“A alopecia areata é unha viaxe tola, marcada polo caos, a confusión e a profunda tristeza para moitos dos que a padecen”, di o investigador de dermatoloxía de Yale Brett King. “Estes ensaios grandes e controlados dinnos que podemos aliviar parte dos que sofren esta terrible enfermidade”.

A razón pola que isto funciona débese a unha proteína chamada cinasa de Janus ou JAK. Estas encimas forman parte dunha vía de sinalización chamada JAK-STAT que está involucrada en moitas áreas, incluído o sistema inmunitario.

Os inhibidores como o  baricitinib son capaces de suavizar a resposta inmunitaria, o que permite que os folículos pilosos volvan crecer

Os inhibidores do JAK como o baricitinib son capaces de suavizar esta resposta inmunitaria nalgúns pacientes, o que permite que os folículos pilosos comecen a crecer de novo.

Os ensaios foron ensaios dobre cego, aleatorizados e controlados con placebo, o que os converte no estándar para analizar como funciona o baricitinib para as persoas con alopecia grave.

Os investigadores dividiron a 1.200 pacientes en tres grupos. Aos participantes administróuselles un placebo, 2 miligramos de baricitinib ou 4 miligramos de baricitinib durante 36 semanas. Aqueles a os que se lles administraron 4 miligramos de baricitinib tiveron os resultados máis relevantes, con máis dun terzo deses pacientes experimentando un crecemento significativo do cabelo.

Avaliación do medicamento

O ensaio utilizou algo chamado Ferramenta de Gravidade da Alopecia (SALT, polas súas siglas en inglés) para poder avaliar a eficacia do medicamento. A puntuación vai de 0 (sen perda de cabelo) a 100 (perda completa do cabelo no coiro cabeludo).

Ao comezo do ensaio, todos os participantes tiñan unha puntuación SALT de máis de 50, e ao final do ensaio, ao redor do 35% dos pacientes con 4 miligramos de baricitinib tiñan unha puntuación de 20 ou menos, un resultado relevante.

Ao redor do 20% dos pacientes con 2 miligramos de baricitinib tamén terminaron cunha puntuación de 20 ou menos.

“O resultado principal foi unha puntuación de SALT de 20 ou menos na semana 36. Identificouse unha puntuación de SAL de 20 ou menos como un resultado significativo do tratamento para os pacientes con alopecia areata grave”, escribe o equipo no seu estudo.

“A maioría dos pacientes nos que se alcanzou o resultado principal tiveron puntuacións de SAL de 10 ou menos na semana 36”.

Moi poucos participantes no ensaio abandonaron debido aos efectos secundarios, o que suxire que eran tolerables en xeral

Desafortunadamente, isto non estivo exento de efectos secundarios para todos os pacientes, xa que os investigadores informaron dunha serie de síntomas nos grupos de proba en comparación cos controis, incluíndo unha peor acne, infeccións das vías respiratorias superiores, dores de cabeza, infeccións urinarias e niveis elevados de colesterol.

Ademais, debido á capacidade do medicamento para alterar o sistema inmunolóxico, tamén pode reducir as capacidades do mesmo para defender o corpo das ameazas reais, xa que anteriormente observouse un aumento das infeccións naqueles que usan o medicamento para a artrite.

Con todo, con iso en mente, moi poucos participantes no novo ensaio abandonaron debido aos efectos secundarios, o que suxire que eran tolerables en xeral.

Mais investigacións a longo prazo

Actualmente estanse levando a cabo máis investigacións para confirmar a seguridade e a eficacia a longo prazo, pero este é un resultado trascendente.

O financiador desta investigación foi Eli Lilly and Company, unha empresa farmacéutica que fabrica baricitinib baixo a marca Olumiant, actualmente recetada para tratar a artrite reumatoide.

Cos resultados da fase tres deste ensaio agora finalizados, e os resultados parecen prometedores, pronto poderiamos ver este medicamento recomercializado tamén para tratar a perda grave de cabelo, coa esperanza de proporcionar alivio a moitos pacientes.


A investigación publicouse en The New England Journal of Medicine.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.