Es capaz de localizar a túa parroquia neste mapa?

A división territorial de Galicia está formada por 3.771 destas formacións, cunha maior concentración na Estrada, cun total de 51

Co avance do tempo, o coñecemento sobre a división territorial de Galicia vaise perdendo. Para comprobalo, o usuario de X @salcedista lanza un reto á comunidade: E vós, sodes quen de localizar a vosa parroquia no mapa?. As parroquias, que se compoñen como unha entidade de poboación inferior á categoría de concello, conforman esta peculiar formación en Galicia. Segundo datos do Instituto Galego de Estatística (IGE), no territorio hai 3.771 parroquias civís, que teñen a súa orixe nas localizacións eclesiásticas.

Cunha orixe que se remonta á Alta Idade Media, as parroquias convertéronse en agrupacións de casas e familiares. Carecen de recoñecemento oficial na actualidade, mais a poboación galega aínda as contempla. Estes núcleos de civilización comparten elementos identitarios que xeran unha comunidade: a igrexa, o cemiterio, as festas tradicionais e as asociacións comunitarias.

Publicidade

Xunto coas aldeas, as parroquias xeran os elementos básicos da organización territorial galega. Así, esta formación mantense case intacta ata mediados do século XX. Distribuídas en 313 concellos, conforman a estrutura administrativa da comunidade.

Nesta configuración destaca A Estrada como o concello con maior número de parroquias, chegando a abranguer un total de 51. Mentres, na capital de Galicia, ademais da cidade de Santiago, o termo municipal comprende 29 parroquias rurais. Con 565.221 topónimos recompilados en Galicia, dan nome a numerosas localizacións ao longo da xeografía galega.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A astrofísica galega Minia Manteiga presidirá a Sociedade Española de Astronomía

A investigadora, que lidera en Galicia o proxecto Gaia para a creación do maior mapa da Vía Láctea, asume o reto de estar á fronte desta lnstitución que agrupa a mil profesionais da astronomía

A lúa chea de Cervo iluminará os ceos de xullo este domingo

Aínda que o plenilunio producirase na mañá do 21 de xullo, o fenómeno da superlúa poderase contemplar nas noites previas e posteriores

“A circulación do virus de Crimea-Congo en Galicia existe, pero polo de agora é moi baixa”

Investigadores da USC admiten que o salto do patóxeno a persoas é “cada vez máis posible” no territorio galego, pero chaman á calma

O virus hemorráxico Crimea-Congo salta por primeira vez a 13 animais de granxa en Galicia

A carracha 'Hyalomma marginatum' quintuplica a súa presencia no territorio galego e transmite o patóxeno a outras especies en ata oito concellos distintos