Un feto de 28 semanas momificado hai 2.100 anos

Parecía ser unha momia dun paxaro, pero os arqueólogos que estudaban unha momia de 2.100 anos do antigo Exipto levaron unha boa sorpresa cando analizaron o seu interior. Os motivos decorativos do exterior amosaban un falcón dourado, ademais de xeroglíficos que mencionaban a Horus, o deus con cabeza de falcón, e o tamaño da caixa era compatible con que gardara dentro unha ave. Porén, un TAC que se lle realizou á momia revelou algo inesperado. Alí había un feto humano de 28 semanas cunha severa malformación.

A momia conservouse durante anos no museo Maidstone de Kent, no Reino Unido, e crese que pertence ao período da dinastía tolemaica. No 2016, ao realizar un TAC noutra nas momias do museo, decidiuse tamén estudar a peza que parecía corresponder a un paxaro. Posteriores análises, nas que participou o investigador Andrew Nelson, da Western University de Canadá, confirmaron o achado.

Publicidade

Os resultados da investigación acaban de ser presentados nun congreso internacional sobre momias que se celebrou hai uns días en Tenerife.

Malformacións do feto

O feto amosaba graves malformacións, segundo se puido comprobar. Aínda que os pés e as mans estaban ben formados, había outros danos case incompatibles coa vida: “A parte superior da cabeza estaba aínda sen formar, os arcos das vértebras aínda non se cerraran e tiña os ósos das orellas na parte traseira da cabeza”, explica Andrew Nelson. O investigador engade que, nestas circunstancias, “a parte superior do cranio nunca se acabaría formando e, probablemente, carecía de parte do cerebro”.

Deste xeito, segundo sinalan desde a Western University, trataríase da segunda momia anencefálica, despois de que describira outra no ano 1826. O estudo deste feto achegou datos importantes sobre a dieta materna da momia e abre tamén novas cuestións sobre os rituais de momificación: crese que os antigos exipcios atribuían aos fetos poder como talismáns.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Descuberta unha salina romana no xacemento do Aguncheiro de Oia

Os arqueólogos escavan unha primeira área de 100 m2 de pavimentos e estruturas cuxa extensión estimada podería alcanzar os 4.000 m2

Un equipo de Santiago publica un estudo pioneiro para tratar unha complicación da enfermidade de Crohn

O ensaio clínico realizado polo IDIS e o CHUS avalía un innovador fármaco oral que amosa resultados preliminares positivos

Investigadores analizan macroalgas verdes mariñas para impulsar a súa valorización en Galicia

Un equipo da UVigo estuda os polisacáridos do xénero Codium da costa galega como fonte de novos ingredientes funcionais