Venres 29 Marzo 2024

Crean unha app do teléfono para saber se a túa cervexa está rancia

¿Quen non se levou algunha vez unha desagradable sorpresa ao probar un grolo de cervexa e comprobar que estaba rancia? Esa molesta sensación podería ter os días contados grazas a un método desenvolto por un grupo de químicos da Universidade Complutense de Madrid. Para isto, os investigadores descubrir un sensor que cambia de cor cando detecta furfural, un composto que aparece cando a cervexa comeza a envellecer. Ao mesmo tempo, crearon unha aplicación para dispositivos móbiles que detecta a cantidade de furfural e, por tanto, o grao de frescura da cervexa, a partir dunha fotografía realizada ao sensor.

O material utilizado polos investigadores da Complutense consiste nuns discos sensores feitos dun polímero similar ao que se emprega para facer as lentes de contacto. Os discos cambian de cor amarela a rosa cando entran en contacto co furfural.

Publicidade

Este traballo, coordinado polas investigadoras Elena Benito-Peña e María Cruz Moreno-Bondi, forma parte dun proxecto Innpacto, dependente do Ministerio de Economía en colaboración co grupo Mahou-San Miguel. Os resultados foron publicados na revista Analytical Chemistry.

O método pode utilizarase para analizar o estado de mel, leite ou café

Ata o de agora, a cantidade de furfural medíase a través de técnicas cromatográficas moito máis custosas. Este descubrimento permitirá aforrar custos e tempo, xa que a preparación da mostra cos métodos anteriores tamén esixía moito tempo. Os investigadores subliñan que o mesmo método tamén se pode utilizar para avaliar o estado doutros alimentos como mel, leite ou café.

A aplicación está dispoñible en código aberto, de xeito que calquera programador pode utilizala e modificala para usala noutras plataformas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:00

O amor, unha cuestión de química?

Substancias químicas como a dopamina espertan o desexo que podemos sentir por alguén, pero só uns vínculos profundos garanten unha relación duradeira

Estas son as substancias químicas que nos engordan e si, están por todas partes

Certos compostos dos envases, cosméticos, deterxentes ou dos propios alimentos poden ter un papel no aumento do sobrepeso e da obesidade na poboación

Documentos avalan que Rosalind Franklin foi esencial para o descubrimento da estrutura do ADN

Un artigo publicado por Nature demostra que a química colaborou en "pé de igualdade", proporcionando datos cruciais e verificando o resultado

Unha prestixiosa revista do grupo ‘Nature’ destaca un artigo liderado por dous galegos

Os editores seleccionaron unha investigación sobre péptidos alfa helicoidais entre as contribucións máis salientables de 2022