Venres 21 Xuño 2024

Un proxecto vigués de robótica gaña o Think Big de Telefónica

HandyHand, un dos máis de vinte proxectos que participaron o pasado fin de semana en nas xornadas HackForGood, organizada na Universidade de Vigo, recibiu o Premio Think Big de Fundación Telefónica.

O proxecto céntrase no desenvolvemento dunha prótese 3D robótica para membros amputados mediante sinais EMG. O Premio Think Big consiste nun fin de semana formativo en emprendemento social, e o acceso garantido ao Nivel 2 do programa Think Big de Fundación Telefónica.

Publicidade

Os premiados creadores do proxecto HandyHand.
Os premiados creadores do proxecto HandyHand.

Este é un dos máis de cen proxectos que foron desenvolvidos durante esta edición de HackForGood, o encontro para novos desarrolladores con fins sociais no que Telefónica colabora a través da súa rede de cátedras universitarias e no que participaron máis de 1.000 hackers sociais.

Desde o 25 ao 27 de febreiro celebráronse simultaneamente hackathones en Madrid, Barcelona, Valencia, Alacante, Murcia, Cidade Real, Sevilla, Málaga, As Palmas, Cáceres, Salamanca, Valladolid, León e Vigo para desenvolver aplicacións tecnolóxicas que resolven 300 retos sociais propostos en torno ao desenvolvemento de aplicacións e servizos que contribúan a crear un mundo mellor a partir do uso masivo de datos (Big Data).

Os premiados poderán incoporarse á iniciativa de Telefónica Open Future

Na categoría de HackForGood Global, o proxecto que recibiu o primeiro premio, dotado con 8.000 euros, foi para o proxecto MyEyes -desenvolvido na sede de Valladolid-, e que ofrece ás persoas con discapacidade visual unhas lentes de baixo custo (só 50 euros) que grazas a técnicas de visión artificial e á cámara que incorpora, axudan a identificar persoas, produtos e marcas ou a ler textos atendendo ás indicacións de voz que recibe.

Todos os equipos gañadores serán convidados a formar parte do ecosistema de emprendemento de Telefónica, denominado Open Future, e así dar continuidade ao seu proxecto e beneficiarse dos programas de formación e mentorización da compañía, ademais de conseguir financiamento adicional para os desenvolvementos, aumentar o seu networking, etc.

HackForGood é un evento promovido por Telefónica e organizado xunto á ETSI de Telecomunicación da Universidade Politécnica de Madrid, a Fundación HazloPosible e a startup MashmeTV co apoio da Rede de Cátedras Telefónica.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Doces de proteína de insecto e outros proxectos da UVigo xunto á Universidade do Minho

Un dos traballos da colaboración propón o uso de biosurfactantes prebióticos para aplicacións dérmicas

Vigo lidera unha investigación que permitirá fabricar con biocomposites no sector náutico

A empresa viguesa Amura pon en marcha o primeiro Centro privado de Investigación e Desenvolvemento no que se construirá un prototipo de embarcación integramente en liño

Como de accesible é a rúa na que vives? Compróbao neste mapa

A aplicación 'City Access Map' permite comprobar que servizos están a menos de 15 minutos camiñando nas cidades e areas metropolitanas de Vigo e A Coruña

O Simposio Nacional de Oncoloxía de Precisión insta ao impulso da terapia en Galicia

O evento acolle en Vigo a máis de 40 expertos os días 22 e 23 de febreiro