Skype incorpora un tradutor simultáneo en portugués

A plataforma de comunicaciones Skype vén de estrear soporte para o idioma portugués brasileiro, co que chega xa a sete linguas: inglés, francés, alemán, italiano, mandarín, español e portugués. A función de tradución está dispoñible a través de Skype para Windows no escritorio.
A novidade permitirá aos falantes de portugués comunicarse con calquera persoa do mundo independentemente do idioma que falen. A elección do portugués brasileiro débese a que é un dos idiomas máis utilizados no mundo a día de hoxe, segundo apuntan dende o anundio oficial da plataforma.
Ademais, tampouco hai que esquecer que Skype Translator conta con cincuenta idiomas para traducións de textos na súa función de mensaxería instantánea. Así que nunha comunicación por texto a tradución funcionaría con cincuenta linguas distintas.
Skype Translator está dispoñible de balde para a súa descarga para Windows. Como non podía ser doutra maneira, desde o propio servizo convídase os usuarios a contar coa última versión de Skype de escritorio para Windows, tanto aqueles que teñan versións anteriores como aqueles que aínda non desen o paso de instalarse a súa nova versión de escritorio.
Aínda non hai un Skype Translator simultáneo para videoconferencias, pero o portugués brasileiro pode ser un paso máis para poder comunicarte en calquera idioma no futuro sen deixar a lingua de Rosalía.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Do lixo ao fertilizante: a segunda vida dos residuos orgánicos en Vigo

O contedor marrón, impulsado polo Concello e FCC Medio Ambiente, permite separar os restos para transformalos en compost

A nova edición dos premios Zendal consolídase cun 11% máis de canditaturas procedentes de 14 países

As propostas, un total de 189, son de universidades, centros de investigación e hospitais de referencia internacional

Documentadas novas anomalías de coloración en peixes mariños de Galicia e Andalucía

A investigación describe tres exemplares con alteracións pigmentarias e outros tres casos posibles observados na ría de Vigo

Nin o frigorífico do supermercado está a salvo de ciberataques

Entre as posibles causas están a pobre xestión dos accesos a sistemas ou do 'firmware'. Por Marta Beltrán