Venres 29 Marzo 2024

Un equipo de Santiago usa intelixencia artificial para previr riscos tras un infarto

Os pacientes empregan unha aplicación que lles permitirá levar un maior e mellor autocontrol da súa evolución e progresos

O Intituto de Investigación Sanitaria de Santiago de Compostela (IDIS), xunto coa unidade de Rehabilitación Cardíaca do Servizo de Cardioloxía do Hospital Clínico de Santiago (CHUS), está a traballar a usar intelixencia artificial para detectar e previr riscos e complicacións tras un infarto. A iniciativa está integrada dentro do proxecto europeo Timely, destinado a pacientes con cardiopatía isquémica crónica que están a participar nun programa de rehabilitación cardíaca.

As persoas que formen parte do estudo, que serán aquelas que tras un infarto presenten un risco incrementado de complicacións, disporán dunha aplicación desenvolvida a través do uso de intelixencia artificial. Isto permitiralles levar a cabo un maior e mellor autocontrol da súa evolución e dos seus progresos tras un programa de rehabilitación cardíaca.

Publicidade

Segundo explican dende o IDIS, a hipótese de Timely é que o uso da aplicación pode ser eficaz e, ademais, rendible para a prevención secundaria da enfermidade arterial coronaria, limitando os efectos tanto fisiolóxicos como psicolóxicos da mesma e mellorando a xestión dos factores de risco, ademais de reducir a mortalidade a longo prazo.

No proxecto, ademais do equipo galego, tamén se conta coa colaboración doutros tres países europeos, que son Holanda, Alemana e Grecia. No caso do CHUS, o Servizo de Cardioloxía achega a experiencia dos 1.500 pacientes atendidos no programa de Rehabilitación Cardíaca dende 2015. En conxunto logrouse unha mellora do seu prognóstico que confirma o impacto positivo deste tipo de programas de rehabilitación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Os taboleiros barrocos de Santiago: únicos en Europa, pero sen protección

Son máis de 200 e están repartidos por diversos puntos da cidade, algúns foron cimentados ou substituídos por outras pedras

Dous proxectos galegos de cardioloxía personalizada reciben dous millóns de euros

Un deles centrarase en investigar a cardiotoxicidade producida polos fármacos antitumorais e, o segundo, na fibrilación auricular

Reparar corazóns: así se usa a terapia CAR-T contra o infarto agudo de miocardio

Esta nova estratexia, que tan bos resultados está a dar contra o cancro, podería ser a base dun novo tratamento eficaz contra as insuficiencias cardíacas

Unha investigación galega demostra o vínculo entre a morte e a temperatura extrema

"Unha de cada 100 mortes cardiovasculares pode atribuírse a días con temperaturas extremas”, apuntan dende o equipo no que participa o profesor da USC Dominic Royé