Únete á nosa canle de Whatsapp
A Facultade de Informática da Universidade da Coruña acolle desde este mércores ata o venres a conferencia internacional X.Org Developer’s, un encontro con expertos das tecnoloxías gráficas libres, coas que traballan sistemas operativos como GNU/Linux e Android. No congreso estarán presentes 150 participantes, algúns deles expertos internacionais de empresas líderes no eido tecnolóxico, como AMD, ARM, Collabora, Google, Igalia, Intel, NVIDIA ou Valve.
Na conferencia discutiranse os avances das mesmas entre a comunidade de desarrolladores. O evento está organizado pola asociación GPUL (Grupo de Programadores e Usuarios de Linux) e a Universidade da Coruña e conta coa colaboración da Xunta de Galicia, o Concello da Coruña, a Companía de Tranvías da Coruña e Igalia, a consultora de software libre afincada na Coruña.
Ao longo dos tres días, alén das conferencias que se celebran no salón de actos da Facultade de Informática, a cidade acollerá actividades paralelas, con visitas turísticas e de convivencia entre os participantes no congreso.
As sesións da conferencia poden seguirse vía streaming a través da plataforma de vídeoconferencia da UDC: https://tv.udc.gal/live/5b99033e11cad1f7358b458a.
