Xoves 28 Marzo 2024

A sociedade Unirisco entra no accionarado da empresa Tastelab, da USC

A entrada da sociedade de capital risco impulsada pola USC e especializada no financiamento de de empresas de base tecnolóxica Unirisco Galicia no accionariado da spin of universitaria TasteLab favorece e impulsa o crecemento da primeira empresa de tecnoloxía sensorial de España. TasteLab é unha firma fundada en 2015 por un equipo integramente feminino que orienta so seus servizos á mellora da competencia dos seus clientes a través do estudo dos produtos e dos consumidores desde un punto de vista innovador.

O grupo de investigación de Análise Sensorial, Avaliación Nutricional e Desenvolvemento de Novos Alimentos da Facultade de Ciencias do Campus Terra da USC, un equipo que conta con máis de 20 anos de experiencia na aplicación da análise sensorial e o desenvolvemento de novos produtos alimentarios, apoiou desde o principio o nacemento de TasteLab promovendo a transferencia de todo o coñecemento acumulado a esta nova firma, na que a USC tamén participa como socio.

Publicidade

Tastelab é unha spin-off xurdida no Campus Terra da USC

A incorporación de Unirisco Galicia ao grupo de socios e accionistas de Tastelab encaixa entre os obxectivos desta sociedade de capital risco, que ten por finalidade a promoción de novas empresas que aproveiten o coñecemento xerado pola USC, a través de operacións de inversión temporal no seu capital ou mediante outros instrumentos financeiros, sempre baixo criterios de rendibilidade e creación de emprego.

Logo do éxito obtido con Innolact e AMS Lab, Unirisco Galicia volve inverter nunha empresa auspiciada e nada en Lugo, como é o caso TasteLab, coa pretensión de impulsar o crecemento desta firma de base tecnolóxica, así como a creación de novos postos de traballo, ademais de contribuír ao desenvolvemento da tecnoloxía que permita dar o salto ao mercado internacional, poñendo recursos económicos a disposición do proxecto empresarial.

O proceso de entrada de Unirisco Galicia no capital de TasteLab comezou a mediados de 2016 coa análise de viabilidade do proxecto desta empresa de tecnoloxía sensorial e continúa agora coa sinatura do acordo cos accionistas, un documento no que se define o volume da inversión, os prazos e garantías ou, os acordos de des inversión, entre outros.

Unirisco Galicia e TasteLab agardan que a suma de sinerxías permitirá acadar que TasteLab se consolide como empresa referente en análise sensorial para as industrias alimentarias, cosméticas e farmacéuticas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Atopado o talón de Aquiles da rata toupa, a praga que azouta a montaña luguesa

O estudo do órgano vomeronasal deste mamífero subterráneo avala o uso de químicos para diminuír a súa poboación e frear o seu impacto na agricultura

Os cubículos e corredores reducidos nas granxas de Lugo afectan a produción de leite

A tese de Sonia Verdes Gil conclúe que as superficies incómodas prexudican a saúde e a hixiene das vacas

A USC investiga novos produtos naturais para loitar contra a avespiña do castiñeiro

Un equipo de Lugo traballa no proxecto 'Go Delicias' co obxectivo de identificar e desenvolver as defensas da árbore fronte ao insecto