Venres 29 Marzo 2024

Un de cada tres enfermos de coronavirus ten síntomas dixestivos

A estatística dos doentes en España confirma as novas investigacións internacionais que sinalan diarreas e vómitos como síntomas da Covid-19

Un de cada tres enfermos de Covid-19 presenta síntomas dixestivos como diarreas ou vómitos, segundo o último informe do Ministerio de Sanidade sobre os casos notificados en España. “Os síntomas máis frecentes que se refiren son febre, tos, disnea e calafríos”, explica o estudo, que salienta que “máis dun 30 por cento dos casos presentou clínica dixestiva: diarrea e vómitos”.

Os problemas dixestivos como a diarrea e as náuseas poden ser un síntoma máis común do que se pensaba anteriormente. Nos primeiros estudos internacionais calculábase que aproximadamente un de cada 10 pacientes con coronavirus experimenta algún tipo de síntomas gastrointestinales, como diarrea e náuseas.

Publicidade

Un estudo en The Lancet informou que só o 3 por cento dos pacientes chineses experimentaron diarrea. E a Organización Mundial da Saúde cifraba no 5 por cento as persoas que experimentan náuseas,.

Pero hai novas investigacións que suxiren que o número de persoas con problemas dixestivos pode ser maior do que se pensaba anteriormente, e ata a metade dos pacientes poden ter problemas dixestivos xunto con síntomas respiratorios.

A estatística de casos do Ministerio de Sanidade vén corroborar que a incidencia é maior da prevista nas primeiras semanas da pandemia.

A febre (77,3%) e a tos (76%) seguen a ser os síntomas máis comúns, seguidos de disnea (44,7%) e calafríos (35,7). Ademais, o 36,9 por cento dos enfermos en España de Covid-19 desenvolven unha pneumonía. Pero os problemas dixestivos tamén están presentes con alta incidencia. Hai diarrea no 26,7 por cento dos casos, e vómitos no 8,9 por cento.

Aquí podes consultar o informe do Ministerio de Sanidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Por que algúns pacientes teñen covid persistente e outros non? Este estudo dá na clave

Un equipo do Hospital Universitario de Zúrich busca mellorar a atención aos doentes con novas estratexias de tratamento

Ascenden a 57 os falecidos por gripe en Galicia

O último informe do Sergas confirma a tendencia á baixa da incidencia nas catro provincias

Por que aumentan as infeccións respiratorias agudas en España?

Estamos xusto no momento do incremento da curva da gripe que este ano coincidiu co Nadal e o aumento dos contactos sociais

Tes gripe ou covid? Estas son as diferenzas

A inmunóloga África González admite que teñen síntomas moi similares pero que se distinguen polo tempo de incubación e a estacionalidade