Únete á nosa canle de Whatsapp
Unha perda repentina dos sentidos do gusto e do olfacto, de xeito que a persoa non pode saborear unha comida ou distinguir os cheiros máis intensos. Aínda que non existe un informe científico concluínte, tres sociedades médicas en España e Reino Unido emitiron comunicados urxentes para recomendar o illamento preventivo das persoas que perden o olfacto de maneira abrupta e sen causa aparente.
“É plausible pensar que pode existir unha relación entre o crecente número de reportes de perda de olfacto e a actual pandemia por Covid-19”, advirte a Sociedade Española de Neuroloxía (SEN). A organización, que agrupa a 3.500 neurólogos e profesionais afíns, aconsella contemplar esta repentina perda do olfacto —denominada anosmia aguda— como un dos síntomas da infección polo novo coronavirus. Nin a Organización Mundial da Saúde nin o Ministerio de Sanidade español confirmaron este síntoma aínda.
Recomendaciones de la Sociedad Española de Neurología (SEN) en relación con la pérdida de olfato como posible síntoma precoz de infección por #CoVID-19#sinolfato #singusto @seneurologia pic.twitter.com/2n4hFTkyeK
— David Ezpeleta (@davidezpeleta) March 21, 2020
Pero as recomendacións desta sociedade científica española coinciden coas doutros países, como Alemaña, Francia e Reino Unido.
A SEN recomenda un illamento de 14 días para os pacientes con anosmia aguda “sen outros síntomas virales, sen mucosidad e sen mellor causa que a xustifique”. O neurólogo Jesús Porta-Etessam, vicepresidente da sociedade, puntualizou na súa conta de Twitter que a perda do olfacto se pode deber a varios virus respiratorios, diferentes ao novo coronavirus. “Non hai evidencias, son recomendacións por estar en situación de pandemia”, subliñou Porta-Etessam, do Hospital Clínico San Carlos, en Madrid. A alerxia e mesmo a idade poden provocar tamén a perda do olfacto.
Pero esta mesma semana, as autoridades sanitarias francesas advertiron precisamente de que a perda do olfacto podería ser un dos síntomas que se manifestan en caso de infección co Covid-19.
O coronavirus en España, ao detalle: o 87% dos falecidos, maior de 70 anos
O director xeral de Sanidade, Jérôme Salomon, apuntou o pasado venres que recibiran unha alerta do Consello Profesional de Otorrinolaringólogos dun aumento dos casos de “anosmia” (ou o que é o mesmo, a perda total de olfacto) sen obstrución nasal.
“Semella, segundo os primeiros resultados que temos, que se trata de formas pouco severas de infección polo coronavirus, sobre todo entre mozos”, sinalou Salomon, que insistiu na necesidade de que se consulte por teléfono cun médico ou un otorrino para saber se é necesario un tratamento específico.
Salomon apuntou que esta pista sobre a infección é “interesante” porque axuda á investigación científica na procura de tratamentos e antivirais.
No Reino Unido, a Asociación Británica de Otorrinolaringoloxía tamén deu o mesmo paso. E o mesmo aconteceu en Alemaña, onde o raro repunte de casos de anosmia desconcertou aos investigadores. De feito, Hendrik Streeck, probablemente o virólogo que máis pacientes de coronavirus estudou en Alemaña, como director do Instituto de Viroloxía no Hospital Universitario de Bonn, declarou esta fin de semana ao xornal Frankfurther Allgemeine Zeitung que chegaron á conclusión de que os infectados por coronavirus, na fase máis temperá, sofren anosmia: perden o olfacto e o gusto.
“Case todas as persoas infectadas que entrevistamos, e isto aplícase a uns dous terzos, describiron unha perda de olfacto e de gusto que durou varios días”, destacou o virólogo Streeck, quen foi moi gráfico nos resultados obtidos: “Chega a tal punto que unha nai non podía cheirar o cueiro do seu fillo. Outros xa non podían cheirar o seu champú, e a comida comezou a ter un sabor suave. Aínda non podemos dicir exactamente cando aparecerán estes síntomas, pero cremos que pouco despois de se producir a infección”.
Polo de agora, non existe un estudo científico que probe esta circunstancia. Pero si a experiencia médica en catro países con centos de afectados que levou a sociedades científicas como a Sociedade Española de Neuroloxía (SEN) a advertir dun camiño cara a investigación e a prevención.
Aquí podes consultar o documento oficial da Sociedade Española de Neuroloxía
